1995-ci ilin mart hadisələrinə əsl qiyməti Azərbaycan xalqı verib!

1995-ci ilin mart ayında  Azərbaycanda  dövlət çevrilişinə cəhd göstərilib. Bu cəhd Azərbaycan xalqının dövlət müstəqilliyinə, Ulu Öndər Heydər Əliyevin uzaqgörən siyasətinin əksinə yönəlmiş cəhd idi. Qısa müddətdə Azərbaycanda hakimiyyətdə olan AXC-Musavat hakimiyyətinin bərbad vəziyyətə qoyduğu ölkəni ən çətin anında belə tək qoymayan, onu siyasi dünya görüşü hesabına ayağa qaldırmağı bacaran Heydər Əliyev şəxsiyyəti keçən qısa müddətdə ölkədə sabitliyə, tərəqqiyə, inkişafa nail oldu. Lakin özbaşınalığa vərdiş edən, xarici antiazərbaycan qüvvələrinin əlində əsir olan antimilli qüvvələr vəziyyətə qısqanclıqla yanaşır, dövləti kriminal qayda-qanunu ilə idarə etmək istəyirdilər. O, dövrdə Xüsusi Təyinatlı Polis Dəstəsi (OMON) olmaqla, hakimiyyət qüvvələrinə tabe olmaq istəmirdilər. Dövlətimizin idarə olunmasında səriştəsizlik göstərən şəxslər qondarma şura yaradıb, dövlətlətçiliyimizə zərər gətirmək və ölkədə  çevriliş  yaratmaq, qardaş  qırğını  törətmək fikrində idilər.Məlumdur ki, 13.03.1995-17.03.1995-ci il tarixlərdə OMON-çular tərəfindən dövlət çevrilişinə cəhd göstərildi amma  Ulu Öndər Heydər Əliyevin bacarıqlı siyasəti və Azərbaycan xalqının bu siyasətə sadiq qalması nəticəsində dövlət çevrilişinin qarşısı alındı. Bu əslində bir qrup silahlı qüvvələrin xalqa qarşı, Azərbaycan dövlətçiliyinə silahlı üsyan idi. Bu vaxtlar OMON-çular Azərbaycan Respublikası Daxili İşlər Nazirliyi tərkibində xüsusi imtiyaz almaq, öz mənfur siyasi əqidələrini həyata keçirmək üçün müstəqil qurum yaratmaq fikrində idilər.  Buna görədə, onlar öz mənfur əqidələrindən dönmək istəmir, dövlətçilik ənənələrinə ciddi  zərbə vurmaq niyyətində idilər. Bütün bunlar rəhbərliyə xələl gətirmək, Azərbaycan xalqının siyasi iradəsini boğmaq, hakimiyyəti zorla ələ almaq anlamına gəlirdi. Beləliklə, bütün bu hadisələrin nəticəsi olaraq, Azərbaycan xalqının iradəsi və Ulu Öndər Heydər Əliyevin siyasi uzaqgörənliyi ölkədə siyasi böhrana, özbaşınalığa, anarxiyaya son qoydu və Azərbaycanın müstəqiliyinin möhkəmlənməsinə hər vasitə ilə mane olan daxili və xarici yad qüvvələrin qarşısı vaxtında alındı. Mart hadisələri ümumiyyətlə Azərbaycan dövlətçiliyinə qarşı xəyanətkarcasına atılan və xalqın iradəsinin əksinə olan böyük bir səhv addım idi. O dövrdə dövlətçiliyimizin əleyhinə olan, hakimiyyəti  zorla ələ keçirtmək istəyən qüvvələr Azərbaycanın ziyalılarının, ağbirçək və ağsaqqalarının məsləhət və təkliflərini eşitmədilər, haqq yoluna gəlmək istəməyənlərin arzuları gerçəkləşmədi və dövlət çevrilişinin qarşısı vaxtında alındı. Bütün bu proseslər Azərbaycan xalqının dönməz iradəsinin Ulu Öndər Heydər Əliyevin daimi xalqla birlikdə olmasının, Azərbaycanın müstəqilliyinə, onun dövlətçiliyimizə sadiqliyinin təntənəsi kimi səciyyələnir. Onu da qeyd etmək lazımdır ki,1991-ci ildə SSRİ- nin saxlanılması barədə ümumittifaq referendumunda Naxçıvan Muxtar Respublikasının iştirak etməməsi ilə alınan qərar bir daha Ulu Öndər Heydər Əliyevin müstəqilliyimizin, bütövlüyümüzün dönməz və əbədi olmasına bir mənalı olaraq təkan verməsi, onu qoruyub saxlamasına atdığı böyük bir siyasi addım idi. Doğurdan da, bu gün müstəqil Azərvaycan Respublikası Ulu Öndərin layiqli davamçısı cənab Prezidentimiz İlham Əliyevin rəhbərliyi altında daha böyük uğurlara imza atmaqdadır. Bu gün artıq ərazi bütövlüyümüz təmin edilib. Azərbaycan Dövlət başçımızın rəhbərliyi ilə ən yüksək səviyyədə inkişaf etməkdədir. Bu səbəbdən Azərbaycanın müstəqilliyi əbədi və dönməzdir.

Orucəli Hüseynov

Səmil Şahlaroğlu

Kanal4.az