ARTIQ MÜNAQİŞƏ HƏLL EDİLİB

  30 ilə yaxın müddət ərzində Ermənistan Azərbaycanın beynəlxalq birlik tərəfindən tanınan ərazilərini işğal altında saxlayırdı. Bu işğal nəticəsində torpaqlarımızın təxminən 20 faizi Ermənistan tərəfindən zəbt edilmişdir, bir milyondan çox azərbaycanlı öz doğma torpağından didərgin salınmışdır, qaçqın-köçkün vəziyyətinə salınmışdır. Xalqımıza qarşı etnik təmizləmə siyasəti aparılmışdır. Ermənistan Azərbaycana qarşı soyqırımı törətmişdir.
      Azərbaycan bu münaqişəni təkbaşına həll edib, həm döyüş meydanında və ondan sonra masa arxasında. Döyüş meydanında qazanılmış Qələbə düşməni məcbur etdi ki, ağ bayraq qaldırsın və təslim olsun, kapitulyasiya aktına imza atsın. Noyabrın 10-da imzalanmış sənəd məhz Ermənistanın kapitulyasiya aktıdır. Azərbaycan ərazisində Dağlıq Qarabağ adlı ərazi vahidi yoxdur. Münaqişə öz həllini tapıb. Azərbaycan münaqişənin müqqədaratını müstəqil şəkildə həll etmək iqtidarındadır. Ölkəmizin milli maraqları toxunulmazdır.
       Təəssüf ki, bu gün darmadağın olmuş ölkədə və onun sahibləri arasında revanşist fikirlər Ermənistanı daha acınacaqlı vəziyyətə sala bilər. Əgər onlar hansısa praktiki əməllərə keçsələr, dərhal məhv olunacaqlar. Heç kim onları müdafiə edə bilməz. Ermənistanda nə güc var, nə iradə var, nə hər hansı bir mənəvi haqq var ki, revanşist fikirlərlə yaşasın. Bu, onlar üçün özünəqəsddir. Əgər zərrə qədər təhlükə olarsa, dərhal yerlərindəcə məhv ediləcəklər. Onlar da bunu bilirlər. Azərbaycanın gücü də var, iradəsi də var, cəsarəti də var. Yumruq da yerindədir. Ona görə də ermənilərin revanş çzğırışları gülüncdür. Orada yaxşı bilməli və dərs götürməəlidirlər ki, işğalçı siyasətin ağrılı nəticələri olub. Prezident bu məsələni şərh edərkən qeyd edib ki, Kanadanın Xarici İşlər Nazirliyi Azərbaycanın daxili işləri ilə bağlı ədalətsiz bəyanat verir. Biz Fransa Xarici İşlər Nazirliyinin bəyanatını da rədd edirik. Bu, qəbuledilməzdir. Azərbaycan dəfələrlə Fransa tərəfinə öz iradlarını bildirib. Azərbaycan 2020-ci il noyabrın 10-na qədərki dövlət deyil, Kanada kimi ölkələr indi bizə hansısa tövsiyələr verə bilməz. Bu cür hallar yolverilməzdir.
      Prezident Cənab İlham Əliyev vurğulamışdır ki, işğal altında saxlandığı vaxtlar Azərbaycan kəndləri ermənilər tərəfindən qanunsuz məskunlaşdırılsa da, onlar üçün yaradılan şərait Prezidentin ifadə etdiyi kimi, it damından fərqli olmayıb. Xaricdə yaşayan erməni diasporundan, müxtəlif fondlardan alınan yardımlar qondarma rejimin rəhbərliyi tərəfindən mənimsənilmiş, müxtəlif vədlərlə orada məskunalşdırılmış ermənilər səfalətə məhkum edilmişlər. Əslində bu çıxışlarla Prezident əsl vandallığın işgal edib mənimsədiyin yad torpaqlara deyil, öz millətinə və özünün qurub yaratdıqlarına qarşı da amansız və vəhşicəsinə davranmaq olmasını dünya ictimaiyyətinə çatdırmaga çalışır. Ermənistan kapitulyasiyadan sonra 20 gün ərzində dekabrın 1-nə qədər demək olar ki, bütün bu su elektrik stansiyalarını - Laçın rayonu ərazisində 5, Kəlbəcər rayonu ərazisində 12 su elektrik stansiyasını dağıdıb, avadanlığı çıxarıb, stansiyaların binalarını da dağıdıb. Terrorçuluğun sahəsi, yaşı, dini, irqi, ünvanlanmış obyekti olmur. Cənab Prezident Laçın, Cəbrayıl və Zəngilan rayonlarına səfəri zamanı qeyd edib ki, azad edilmiş bütün torpaqlarda su, günəş, külək enerjisindən istifadə olunacaq. Bu torpaqlar “yaşıl enerji” zonası olacaq. Zəngilan rayonunda birinci pilot “ağıllı kənd” layihəsi də məhz bərpaolunan enerji ilə təchiz ediləcəkdir.
   Ölkəmizin çiçəklənmə potensialını və sürətini ləngidən müharibə şəraitinin aradan qalxması bizi regionda əhəmiyyətli qüvvəyə çevrilmək yolunda murada çatdıran ən başlıca amildir. Prezident İlham Əliyevin təməlini qoyduğu, uzunluğu 100 kilometr olan Horadiz-Ağbənd dəmir yolu xəttinin strateji əhəmiyyəti olduqca böyükdür. Noyabrın 10-da imzalanmış Birgə Bəyanatda Naxçıvan dəhlizinin yaradılması ilə bağlı xüsusi müddəa var. Belə ki, müharibənin qeyd-şərtsiz Azərbaycanın xeyrinə yekunlaşması regionda uzunmüddətli sabitliyin, stabil inkişaf yüksəlişinin gəlməsi ilə xarakterizə olunacaqdır. Bakı-Tblisi-Qars Dəmiryolu xəttinin istifadəyə verilməsi artıq region dövlətlərinin iqtisadi əlaqələrinin genişlənməsinə səbə olmuşdur. Zamanla daim işgalçılıq niyyəti güdən bədxah qonşumuz Ermənistan rəhbərliyi də fərqinə varacaq ki, 30 illik səhv siyasət nəticəsində ölkə iqtisadiyyatlarını, xalqın rifahının yüksəlişini nə qədər qısatlamışlar. Regionda açılacaq çoxsaylı rabitə xətləri və magistral yolların Azərbaycan ərazisində kəsişməsi ölkəmizi regionun qovşagı halına gətirəcək və dövlət siyasətimizin xoş niyyətli olması bütün region ölkələrinə fərq qoymadan xeyir verəcək, ölkəmizin xeyirinə xeyir, gəlirinə gəlir qatacaqdır.
       Azərbaycan Prezidenti milli maraqlardan çıxış edərək, Vətən müharibəsi modelini seçmiş, ölkəmizi addım-addım qələbəyə hazırlamış və “dəmir yumruq əməliyyatı” ilə düşmənə sarsıdıcı zərbə vurmuşdur. Azərbaycan bu məsələni həll edib, tarixi Zəfər əldə edib və dağıdılmış ərazilərdə bərpa işlərini başlayıb.   Bütün bunlar mənfur düşmənə birdəfəlik dərs olmalıdır.
Ədalət Əsgərov,
Cəlilabad Rayon Ağsaqqallar Şurasının sədri