Peyvənd olunan uşaqların yaşaması mümkün olmayacaq” – ŞOK AÇIQLAMA

Azərbaycanda 12-15 yaşı tamam olmuş yeniyetmələrə COVID-19 xəstəliyi əleyhinə mRNT Pfizer (“Comirnaty”) peyvəndi vurulacaq. Amma bu peyvənd müvafiq tibbi göstərişlərə və hər iki valideynin razılığına əsasən  vurula bilər. Maraqlıdır, bu peyvənd yeniyetmələrə necə təsir göstərəcək? Bu nə dərəcədə düzgündür? 

“İnsan vaksini hazırlamaq üçün 25-30 il vaxt lazımdır”

Məsələ ilə bağlı Unikal.org-a açıqlama verən müstəqil tibbi ekspert Abdulla Şıxlinski deyir ki, dünyanın bütün vicdanlı alimləri tərəfindən sübut olunub ki, koronavirusa qarşı vaksin mövcud deyil: “Çünki təbabət elminin qanunlarına görə də, normal, təhlükəsiz və effektiv insan vaksini hazırlamaq üçün 25-30 il vaxt lazımdır. Bu müddətin təkcə 15 ili kliniki sınaqlara gedir. Ona görə də koronavirusa qarşı belə bir vaksinin mövcudluğu sual altındadır. Koronavirus vaksini deyilən maddənin qısa bir müddətdə hazırlanması təbabətin bütün qanunlarına ziddir. Nəinki 25-30 il, heç 5 ay da keçmədən həmin vaksinlərin ortaya çıxması barədə bəyanatlar verdilər. Övladlarını könüllü şəkildə vaksinasiyaya aparan valideynlər bu barədə ciddi şəkildə düşünməlidir”. 

“Vaksinasiya uşaqların əlillik dərəcəsinə kimi gətirib çıxara bilər” 

Ekspert bildirib ki, “vaksin” adlandırılan maddələr uşaqların sağlamlığına ziyan vuracaq: “ Mötəbər alimlər tərəfindən sübut olunub ki, vaksin adlandırılan maddələr əslində vaksin funksiyası daşımır. Bunlar gen modifikasiyası aparmaq üçün yaradılmış xüsusi maddələrdir. Bunlar insanın genotipini dəyişmək üçündür. Vaksin vurduran uşaqların müəyyən müddətdən sonra bütün genotipi dəyişəcək. Vaksin adlandırılan o maddələr konkret olaraq gen mutasiyası yaradır. Təabətdə isə heç bir genetik xəstəliyin müalicəsi mümkün deyil. Bu, uşaqları əlillik dərəcəsinə kimi gətirib çıxarır. Həmin uşaqların inkişafı və yaşaması isə artıq sual altındadır”.  

“Həmin uşaqların yaşaması mümkün olmayacaq”

A.Şıxlinskinin sözlərinə görə, rus alimi, Trampın şəxsi həkimi, İsrailli həkim Zelenko çıxışında bildirib ki, uşaqların vaksinasiyası böyük faciə ilə nəticələnəcək: “Vaksinasiya olunmuş uşaqların hamısında gen modifikasiyası, mutasiyası əmələ gələcək. Bu da irsi genetik xəstəliklərinin yaranmasına səbəb olacaq ki, həmin uşaqların yaşaması mümkün olmayacaq. Bu baxımdan uşaqların vaksinasiyası barədə fikirləşdikdə, bu məsələlərə dərindən diqqət etmək lazımdır”. 

“Vaksinasiya nəticəsində gələcək nəslin taleyi sual altına alınır”

Ekspert bildirib ki, həmin vaksinlər əgər böyük adamlara pis təsir edir, öldürürsə, uşaqları ola bilər ki, öldürməyəcək, amma onlarda genetik xəstəliklər, xüsusilə yüz faiz sonsuzluq yaradacaq: “12-15 yaş arası vaksinasiya olunan yeniyetmələrin gələcəkdə övladları olmayacaq. Bu haqda, təkcə Zelenko yox, vaksin məsələsi ilə məşğul qlobal şirkət nümayəndələri, mötəbər alimlər də deyiblər. Uşaqların vaksinasiyası çox ağır fəsadlarla, itkilərlə nəticələnə bilər. Vaksinasiya nəticəsində gələcək nəslin taleyi sual altına alınır”. 

Qeyd edək ki, hər bir vaksinasiya prosesi və insanlar üzərində həyata keçirilən istənilən tibbi əməliyyatlar könüllülük prisnsipi əsasında olmalıdır. Ölkəmizdə də vaksinasiya könüllü elan olunub. Uşaqların vaksinasiyası üçün onların valideynlərinin rəsmi razılığı olmalıdır. 

Könül Oruc.