HƏYAT YOLUMDA BAŞ VERMİŞ YADDA QALAN XOŞ XATİRƏLƏR

                                                                                                    
 1989-cu ilin payızında Cəbrayıl rayonunun M.Əzizbəyov adına üzümçülük sovxozunda gənc mütəxəssis olaraq böyük aqronom vəzivəsində 2 illik fəaliyyətimdən sonra Möckva şəhərində nəşr edilən “Защита растения” jurnalında Ümumiittifaq elmi-tədqiqat fitopatologiya institunun (rusca-ВНИИФ) orta rus filialına elmi işçilərin müsabiqə yolu ilə işə qəbulu barədə bir elanına rast gəldim və həmin sahədə işləmək üçün bu müəssisəyə getmək barədə qərar qəbul etdim. Onuda deyim ki, bundan əvvəl məktub yazışmaları vasitəsi ilə bu sahə üzrə işə qəbulla bağlı əvvəlcədən müvafiq razılıq əldə olunmuşdur. Nəhayət qeyd edilən müəssiəsyə gəlib filialın direktoru və elmi işlər üzrə müavini ilə danışıqlar apardım, köçürmə yolu ilə işə qəbulla bağlı rəsmi olaraq tam razılıq əldə olunmaqla mənə veriləcək yüksək şəraitlə təmin edilmiş 3 otaqlı mənzil göstərildi və mənzilin açarları mənə təqdim olundu. Bir maraqlı məqama diqqət çəkmək yerinə düşərdi. Mənzildə bütün işlər çox yüksək səviyyədə və keyfiyyətlə yerinə yetirilmişdir. Lakin çılpaq divarlara divar kağızının vurulmadığı müəyyən edilərkən bildirildi ki, həmin işlər bizim ailənin zövqünə uyğun olaraq anbarda mövcud olan çoxsaylı divar kağızları içərisindən seçildikdən sonra yerinə yetiriləcəkdir. Mənə köçürmə yolu ilə bu müəssisəyə gəlməyimlə bağlı rəsmi məktub təqdim edildi. Həmin sənəd əsasına ilkin iş yerimdən (adıçəkilən sovxozdan) çıxaraq köçürmə yolu ilə həmin filialda sınaq müddəti tətbiq edlməklə kiçik elmi  işçi vəzifəsinə təyin olundum. Bir müddət fəaliyyətdən sonra filialın direktoru məni qəbul edərək təcrbə-istehsalat təsərrüfatına aid 800 ha qarğıdalı və 500 ha darı bitkisinin müxtəlif xəstəlik və alaq otları ilə sirayətləndiyini bildirdi, onun müalicəsinin mənim tərəfimdən aparıldığı təqdirdə daimi elmi işçi vəzifəsinə və bu istiqamətdə digər müvafiq mükafatlandırma tədbirlərinin görüləcəyini bildirdi. Bu məqsədlə bütün aidiyyəti vəzifəli şəxslərin və texnikanın  mənim idarəçiliyimə verilməsi barədə lazımi  tapşırıq verildi. Dərhal bu sahə üzrə müvafiq araşdırma aparmağa başladım. Qarğıdalı bitkisi 3 yarpaq fenoloji inkişaf mərhələsində, darı bitkisində isə cücərtilər təzəcə torpaqdan çıxmağa başlayırdı. Pestisidlər anbarında uyğun preparatlar tərəfimidən seçilərək həmin sahələrdə müvafiq qayda üzrə tətbiq edildi və yüksək nəticə əldə olundu. Bu münasibətlə əmək kitabçasına yazılmaq şərti ilə mənə təşəkkürnamə və mənim daimi vəzifəyə təyinatım həyata keçirildi. Əməyə yüksək dəyər verilməsinə görə müəssisə rəhbəri tərəfindən simullaşdırıcı tədbirlərin görülməsi böyük sevincimizə səbəb olmaqla, məni daha həvəslə və inamla işləməyə sövq etdi, bu müəssisədə təzəcə fəaliyyətə başlamış ixtisaslı mütəxəssis kimi tanınmağıma münbit şərait yaratdı.

Məhəmməd Həziyev Müəllim.